8 mijë kosovarë hyjnë në Shqipëri mëngjesin e sotëm, radhë e gjatë në Morinë

4 korrik 2020

Fundjava ka sjellë edhe fluks të madh në doganën e Morinës, teksa mijëra shqiptarë të Kosovës i janë drejtuar bregdetit.

Sipas burimeve, nga ora 5 e mëngjesit dhe deri në orën 7 kanë hyrë në vendin tonë rreth 8000 kosovarë vetëm ditën e sotme.

Aktualisht në këtë pikë doganore po punohet me 6 sportele dhe me procedurë të përshpejtuar për të shmangur vonesat dhe pritjet e gjata.

Edhe pse numri i të prekurve me Covid-19 në Kosovë dhe Shqipëri është rritur ndjeshëm ditët e fundit, me sa duket kur vjen puna tek plazhi askush nuk ia ka frikën virusit.

Nga: LAJMIFUNDIT.Al